يواسينى وانا الميت

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعينى بيدي قتلت الحب والرحمات

حرمت النفس من حقه وانا ابكيه وما يبكينى

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يا قلبى ومهما قلت من كلمات

صغيره في كبر حقك بس اتمنى تعذرنى

نهبت الفرح من بيتي صحيح اني خسيسه الذات

الناس

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد ك وغابت نشوة اللذات

وصار الهم عكازي اباكيه ويباكيني

اعطيتنى بدون حساب ولا سمعتك تقول هات

وانا اشرب حيل من دمك ودمك ما يكفيني

ياقلبى ارجع كافي ابجلس معك لو لحظات

واقبل ايدك ورجلك وافرش لك رمش عيني

ياقلبى ما تحملهم يقولوا فات ما قد مات

تعال غير هالقول واطيعك باقي سنيني




ياقلبى ارجع وطفي شمعة الآهات

ابيك انت ولا غيرك على بعاد ك يعزيني

وضمني وداويني مثل ما كانت الهقوات

ما ابي احدن يواسيني ابيك انت تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكني

ياقلبى ارجع وطفي شمعة الآهات

ابيك انت ولا غيرك على بعاد ك يعزيني

وضمني وداويني مثل ما كانت الهقوات

ما ابي احدن يواسيني ابيك انت تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكني


مشكورة استاذتي ورود على مواضيعك الرائعة وفي انتظار الاروع