راح أنـــتـــظــرك طـــول العـــمـــر

أحس اني وسط ليل طويل ناسي فجره
اعيش بظلمته واسرح بافكاري الى المجهول
افكر وانتظر صبح جميل الباسم وعطره
وتصدمني هواجيسي ولا القى لهمي حلول
انا مليت واحساسي معاك ارهف من الشعره
والوم القلب لكنه يعاند وانت المسؤول
اريد ابكي على قلبي وتحرقني انا العبره
واحس بدمعة الحره على محجر عيوني تجول
تبي تنزل واعاتبها وتقول شفيك مغتره
واقول الصبر يا دمعة انا وانتي نخل وخيول
انا يا ليل وش ذنبي تصبرني على الجمره
وتجبرني على همومك عايشها بعرض وطول
اهوجس واحسب نجومك وقلبي يلتهب جمره
واضيع حسبتي وفكري على باب الوصل مشغول
انا يا صبح اترقب طلوعك والامل بكره
اريد تكحل بنورك وليلي ينجلي ويزول
حقيقة او سراب انت انا مدري وش الفكرة
انا صبري بدى ينفذ واخاف انك امل مقتول
اريد تعيد لي وقتي نديمه وشمسه وفجره
اريد اعرف انا منهو اريد تفسر المجهول

تقبلوا تحياتي
baaby